Julisya Koplin

1. Sou kisa w ap travay kounye a? Èske w nan kolèj? Si wi, ki matyè prensipal ou? Poukisa ou chwazi matyè sa a?

Mwen pral gradye nan Vassar College byento, m ap soti ak yon Lisans (BA) nan Syans Kognitif ak yon minè nan Ekonomi. Mwen te chwazi Syans Kognitif poutèt apwòch entèdisiplinè li genyen pou etidye sèvo a, kò a, ak anviwònman an. Li gen ladan l sikoloji, newosyans, filozofi, syans enfòmatik, antwopoloji, ak lòt domèn etid ki ka di nou plis bagay sou sèvo a. Mwen kwè majè entèdisiplinè sa a prepare m pou plizyè chwa karyè, sa ki ban m anpil opsyon sou direksyon m ap pran. Mwen pran yon minè nan ekonomi paske li enpòtan pou konprann dinamik mache yo ak konpòtman konsomatè yo.

2. Ki sa ki pi pasyone w?

Mwen toujou se yon moun ki gen enterè divès; mwen gen yon pasyon pou rakonte istwa, se poutèt sa mwen vle antre nan domèn maketin/kominikasyon. Mwen gen enterè tou nan travay pou jistis klimatik ak jistis sosyal pou òganizasyon san bi likratif. Dènyèman, mwen te patisipe nan Konferans Dlo Nasyonzini 2023 la nan vil Nouyòk, kote mwen te reprezante yon òganizasyon kote mwen te fè estaj anvan. Jodi a, m ap eksprime enterè m nan ede etidyan nan vwayaj karyè yo. Mwen se yon Estajyè pou Lyen ak Ansyen Etidyan ak Patenarya nan Sant Vassar pou Edikasyon Karyè, kote mwen ede etidyan modifye rezime ak lèt motivasyon yo, fasilite panèl ak atelye sou karyè, epi m kenbe baz done ansyen etidyan yo. Kidonk, li pa gen pwoblèm (e se nòmal) si w gen plizyè enterè!

3. Kisa ou wè tèt ou ap fè nan lavni?.

Malgre mwen pa fin sèten kote m ap ye alavni (e sa pa gen pwoblèm!), mwen konnen m ap asire kè kontan mwen ak byennèt mwen. premye. Mwen sèlman espere kontinye grandi pèsonèlman ak pwofesyonèlman epi simonte kèk pè mwen genyen. Kounye a, mwen nan mitan rechèch travay a plen tan nan maketing/kominikasyon ak redaksyon piblisitè, kote mwen ka eksprime pasyon mwen pou rakonte istwa. 

4. Jiskaprezan, ki leson ou pote avè w kèlkeswa kote ou ale? 

Leson sèl mwen pral toujou sonje se ke Aprantisaj pa janm fini.. Menm lè ou pa nan lekòl oswa nan travay, ou toujou ap aprann nouvo bagay sou lavi, relasyon, ak objektif ou. Aprantisaj pa janm fini!